Гевгелиски Кожуф и радовишки Детонит со максимален учинок по три кола од Втората фудбалска лига

483

По три првенствени кола од Втората фудбалска лига на Македонија, гевгелиски Кожуф и радовишки Детонит имаат стопроцентен учинок. Во сите три кола забележаа победи и се во кругот од пет екипи кои имаат по 9 бода. Од Југоистокот, во второто по квалитет фудбалско натпреварување на Македонија, освен овие две екипи учествува и струмичка Беласица која викендов стаса до првата победа над Тетекс.

Гевгеличани по победите над Карораман со 3:0 во првото, против Вардар во Неготино со 2:1 во второто коло, викендов зад нас „мерка“ му земаа и на ланскиот прволигаш Скопје со 4:2. Со досегашниот учинок и игра веќе се наметнуваат како тим за висок пласман. Следното коло му гостуваат на Арсими.

Арсими беше последниот тим над кого пак славеше Детонит од Радовиш со 1:0, откако во второто коло беше убедлив со 4:1 против Скопје а сезоната ја отвори со славје од 1:0 над Вардар од Неготино.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.