Утре со „Радовишки собор“ и настап на фолклорни друштва, се крева завесата на деветото издание на традиционалната деветта по ред „Самун ем татлија“ на која повеќе од десет фурни ќе приготвуваат „сомуни“ со разни видови месо. Целата манифестација ќе трае три дена а програмата ќе биде преку денот и за време на ноќните часови.
Градоначалникот на Радовиш Ацо Ристов ифнромираше дека се очекуваат над 10 илјади посетители а ќе бидат приготвени околу 15 илјади сaмуни од свинско, пилешко или саздрма. Годинава за првпат оваа манифестација ќе биде на локацијата на градскиот зелен пазар кој е дислоциран а во меѓувреме се исчисти и вече се поставени штандовите
,,Оваа манифестација значи многу за промоцијата на градот, но и помага во заживувањето на локалниот бизнис. Ќе учествуваат повеќе од десет подготвувачи на традиционалниот самун, но ќе учествуваат и занаетчиите и ќе имаме промоција на ракотворби, грнчарски производи и многу други работи што ги произведува локалната економија, а ќе имаме и учесници од други градови“, кажа градоначалникот на Радовиш Ацо Ристов.
Освен сaмуни ќе може да се дегустира и татлија, но и други локални производи и пијалоци и сето тоа во рамките на музичката програма која во петок ќе почне од 15, во сабота од 13 часот додека во недела од 12 часот и 30 минути
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
