Во Радовиш и Валандово ќе има пробен попис, вработени од Завод за статистика ќе вршат попишување од 10-ти јуни

595

Во периодот од 10-ти до 30-ти јуни во Радовиш и Валандово ќе се спроведе побен попис на населението, домаќинствата и становите, соопштија од Државниот завод за статистика кој за идната година планира да ја спроведе оваа обемна статистичка операција. Освен во овие две општини од Југоистокот пробен попис ќе има и во општините Прилеп, Долнени, Кисела Вода, Зелениково, Гостивар, Кичево, Струга, Свети Николе, Куманово, Кратово и во Штип.

– Пробниот попис претставува еден вид симулација на главниот попис што треба да се спроведе наредната година. Тоа нам ни е неопходна алатка за да ги провериме сите инструменти што се потребни за успешно спроведување на една таква голема статистичка операција. Тоа подразбира дека 32 попишувачи, вработени во Државниот завод за статистика, излегуваат на терен и ги проверуваат сите методолошки аспекти на спроведувањето на попишувањето, како и организациско-техничките подготовки за пописот. Тоа ќе ни послужи да видиме дали сме на вистинскиот пат, што имаме досега направено, што треба да се коригира и да се подобри со цел наредната година да бидеме сериозно, професионално подготвени за успешно спроведување на пописот – рече Ѓорѓиева.

Оваа недела ДЗС ги информираше сите 13 општини каде ќе се спроведе пробниот попис . Од Заводот апелира до граѓаните со доверба да ги примат попишувачите од Заводот кои ќе бидат лиценцирани. Овој попис има новини помеѓу кои е електронското попишување, ќе се попишувата и лицата во странство, а граѓаните треба само да покажат матичен број.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.