Во недела, 24 ноември од 18:00 часот во Домот на културата во Босилово ќе биде прикажан македонскиот документарен игран филм „Последниот Македонец – патот до истребување“ во режија на Илија Пиперковски. Станува збор за филм за Македонија, пред и после Букурешкиот договор. Филм кој го дава одговорот на прашањето – Зошто Македонците не успееја да формираат своја држава заедно со останатите балкански народи?
Според многумина, станува збор за филм кој носи епска приказна за распарчувањето на Македонија од страна на големите сили, моќта на соседните држави, крвопролевање, братоубиства, разделби и уништување. Разочарувачки моменти за неединство на македонскиот народ но и моменти со одговор кој е навистина Македонец, дали е тој последниот кој мисли добро на Македонија.
Сценариото во филмот е на Александар Кукулев, продуцент е Снежана Лупевска Созен, кинематографер Дејан Димески, а монтажа Данчо Стевков. Во филмот играат: Сашко Коцев, Ненад Нацев, Славиша Кајевски, Зоран Љутков, Рубенс Муратовски, Петар Горко, Валентина Грамосли, Билјана Драгичевиќ Пројковска.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
