Вечерва во Босилово концерт со инструменти изработени од отпад на Ангелаков и Маџиров

288

Вечерва во домот на културата во Босилово, ќе се одржи концерт со инструменти направени од отпад од страна на Ставро Ангелаков и Љубен Маџиров, музичари по професија кои веќе подолго време самите ги изработуваат инструментите

Настанот е насловен „Креативна рециклажа“, а целта е да се сврти вниманието на јавноста кон прекумерното фрлање на отпад што може да се селектира и рециклира, но и да се покаже дека и од отпадот може да се направи нешто креативно и практично.

Концерот е дел од манифестацијата Босилово – Културно лето 2022 под покровителстов на општина Босилово  Програмата вклучува десетина настани, кои ќе бидат реализирани во текот на месеците јули и август. Овогодишната програма опфаќа настани од различни гранки на уметноста: музика, театар, играорни групи, ликовни изложби, кино проекции, литературни читања.

,,Целта на манифестацијата е да го збогатиме културниот живот во општината и да придонесеме Босилово да продолжи да ја негува уметноста и културните настани,, објави градоначалникот Ристо Манчев

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.