Валандовски КMФ Проект од Јосифово утре ги почнува мечевите од Лигата на шампиони во футсал

260

Македонскиот футсал шампион ,,КMФ Проект’’ од Јосифово, утре во спортската сала „26 Април“ во Гевгелија ги почнува мечевите од прелиминарната рунда од УЕФА Лигата на шампиони, на кој освен македонскиот, учествуваат и екипите на Долфин Ашдод од Израел, Цефн од Велс и Лускол од Малта. Според информациите се е подготвено за одржување на турнирот кој утревечер го отвораат тимовите на велшкиот и шампионот на Малта а валандовчани своето европско деби со почеток во 20 часот го имат со израелскиот Долфин Ашдод

Како што не информираше Иван Гавровски, КМФ Проект од Јосифово е подготвен за европското деби и ќе даде се од себе за да се освои првото место за да се најде во следната фаза од ова натпреварување. Според него подготовките поминале во најдобар ред а на тимот пристапиле и Драган Петровиќ Александар Глигоров Мартин Мехмединович со што македонскиот Шампион се наметнува како еден од фаворитите за освојување на турнирот во Гевгелија и пласман во следната фаза од Лигата на шампиони во футсал на УЕФА.

,, Турнирот го почнуваме во сабота вечер со израелскиот состава а во недела играме со велшкиот преставник ,,Цефн’’ па имаме ден одмор за да во вторник се сретнеме со ,,Луксол’’ од Малта. Сметаме дека со составот од Малта ќе биде клучниот меч за првото место во групата за да се пласираме во следната фаза, каде може да добиеме далеку поренимирани противници како што се Барселона, Спортинг, ПСЖ. Веруваме дека може да направиме уште еден подвиг,, ни изјави Гавровски

Заради пандемијата со вирусот ковид-19, мечевите во Гевгелија ќе се играат без публика но домаќинот на ова прелиминарна рунда најави видео пренос од мечевите кои ќе се играат во Гевгелија. Во следната фаза се пласираат најдобрите тимови од сите 8 прелиминарни групи но и дел од најдобрите второпласирани состава

 

 

 

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.