Благој Гуцев стана прв тренер на струмичка Беласица на местото на Арифовски

211

Шефки Арифовски не е повеќе тренер на струмичкиот второлигаш Беласица. Негово место го зазема екс фудбалерот на клубот и неговиот асистент Благој Гуцев. Веста ја објави самиот клуб на социјалните мрежи заблагодарувајки му се на Арифовски и промовирајки го Гуцев како нов кормилар на ФК Беласица

Во играчката кариера Гуцев беше дел од Беласица, Влазрими, Силекс, Пехчево, Брегалница и Трепча. Беласица по шест кола има по две победи, пораза и нерешени исходи и се наоѓа на седмата позиција. Следното коло му гостува на Гостивар

,,По вчерашниот спогодбен раскин на соработката помеѓу ФК Беласица и Арифовски Шефки, за нов шеф на стручниот штаб е поставен доскорешниот помошен тренер и поранешниот фудбалер кој е дете на школата на ФК Беласица, Гуцев Благој.
Благодарност до Арифовски за соработката, а на Гуцев му посакуваме среќна и успешна сезона,, стои во соопштението на ФК Беласица

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.