Во петок на 24 ти јануари во ,,Де Факто’’ во Гевгелија, бендот ,,Криза’’ ќе одржи тричасовен трибјут концерт за Тоше. На концертот кој ќе трае три часа песните на Тоше ќе ги интерпретираат десетина вокалисти од овој регион. Ќе настапат вокалисти од Гевгелија, Негорци, Богданци и Валандово кои ќе пренесат добар дел од богатото музичко творештво на Тоше Проески за што во ,,Де Факто’’ ќе биде присутен и неговиот внук Кристијан. Трибјут концертот е по повод 25 ти јануари, денот кога се роди големата музичка ѕвезда која остави огромен белег на музичката сцена не само во земјава туку и на целиот Балкан.
,,Роденденот негов го одбравме само како повод, инаку за концерт со само негови песни, причини не се потребни. “КРИЗА ЗА ТОШЕ” го крстивме нашиот трибјут концерт, на бендот “Криза” и пријателите вокалисти: Кристијан Марковски, Наталија Данаилова, Катерина Јовановиќ, Марија Ичкова, Стојанчо Бучков, Блашко Дебников, Горан Лазаров, Влатко Иљачев. Три часа ќе се шетаме низ неговото богато музичко наследство, низ безвременските хитови кои ќе немаат рок на траење,, стои во најавата за концертот
Трибјут концертот ,,Криза за Тоше’’ во гевгелиски Де Факто ќе биде на 24 јануари со почеток во 23 часот
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
