Асфалтиран патот до месноста Добра на Плачковица каде општина Радовиш планира простор за кампови

954

Деновиве заврши  асфалтирањето на патниот правец од хотелот ,,Бел Камен’’ до месноста ,,Добра’’ на планината Плачковица над Радовиш, со што се отвора простор и можност за подинамичен развој на планинскиот туризам. Станува збор за патен правец во должина од околу 2,1 километар и ширина на коловозната лента од 5 метри. Изградбата на овој патен правец ја финансираше Агенцијата за финансиска поддршка на земјоделството и руралниот развој откако општинските власти аплицираа со готов проект за истиот, со кого очекуваат можност за отворање на кампинг зона кај месноста Добра. Инаку целиот патен правец чини околу 16,5 милиони денари

,, Со реализцијата на овој проект очекуваме развој на планинскиот туризам бидејки планината Плачковица нуди огромни потенцијали како за рекреативно планинарење, планински мото и вело туризам. Паралелно се отвора можност и за отворање на кампинг зона кај Добра, што значи дека во иднина може да се размислува и за поставување кампинг приколки кај Добра,, изјави градоначалникот Конзулов

Инаку со заокружување на овој патен правец се асфалтираше и пристапниот пат до планинарскиот дом ,,Џумаја’’ заради што планинарите изразија благодарност до градоначалникот Герасим Конзулов кој со подобрувањето на патната инфраструктура на Плачковица, очекува поголема посетеност но и организирање и одржување на повеќе спротски манифестации имајки во предвид дека таму има и сместувачки капацитети.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.