Taневски: Против Работнички одиме на поволен резултат, пандевци се најорганизиран клуб и императив е да се работи за Горан

977

Екипата на Академија Пандев од синоќа е во Скопје во пресрет на денешниот меч против Работнички на кој ќе дебитира новиот стратег Александар Таневски кој дојде на местото на Југослав Тренчовски. Со два дена работа, Таневски смета дека Академијата е најорганизиран клуб во земјава и преставува императив да се работи за клуб зад кој стои големиот Горан Пандев. Според него, прашање на време е кога бранителот на КУП титулата ќе излезе од ова мини резултатска криза. Верува дека тоа може да се случи денеска и со Работнички, оти како и во секој меч така и во овој ќе се оди на победа.

,, Позитивни се моите впечатоци од функционирањето на клубот. Тимот заедно со стручниот штаб се како едно семејство и ми преставува дополнителна мотивација да дадеме максиум до крајот на првенството. Работнички пролетва сеуште нема примено гол што доволно кажува дека се тим за респект, но ние ќе одиме да оствариме поволен резултат оти на секој меч императив ќе ни биде победа,, изјави за Дрнка.Мк  Александар Таневски кој е првиот стратег кој доаѓа надвор од Академијата.

Работнички е на претпоследната позиција на табалта. Но во трите пролетни кола собра 7 бода, односно оствари две победи и едно реми. Во двата претходни меча од ова сезона Пандевци славеа на теренот на Работнички во Скопје со 2:1 а ремизираа на стадионот Благој Истатов. Струмичани пак немаат победа од октомври лани и се на средината од прволигашката табела и насушно им е потребна победа не само на пробив во горниот дел од табелата но и за враќање на самодовербата

,, Со исклучок на Илиев сите фудбалери ми стојат на располагање. По казната се враќа и Костов. Наша цел е да не примиме гол. Ова е искусен тим кој има квалитетни играчи. Верувам дека ќе излеземе од ова мини криза,, ни изјави Таневски

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.