Фото – Кочулските водопади кај Валандово станаа достапни како нова туристичка атракција

9842

Заврши уредувањето на пристапот до Кочулските водопади на Беласица кои се на територијата на општина Валандово, со што овие природни убавини станаа достапни за посетителите. Станува збор за неколку водопади кои со својата големина и питомост ќе станат ново туристичко освежување за посетителите во југоистокот и лубители на планинскиот туризам.  

Проектот за пристап и уредување на водопадите кои се наоѓаат во источниот дел на општина Валандово , во пазувите  на планината Беласица кај населните места Башибос, Кочули и Бајрамбос го реализираше Центарот за развој на југоисточниот плански регион во соработка со општина Валандово .

Како што информираа од општината до дестината водопади на овој предел се стигнува преку две патеки. Првата е покрај селото Кочули. Патеката е уредена и оградена на критичните места во должина од околу 500 метри. Поставени се летниковци на три локации а вдолж патеката има и клупи за одмор со корпи за отпадоци.

Втората патека е во близина на селото Бајрамбос. Има поставено летниковци за одмор и рекреација на три локации. Вдолж патеката има клупи за одмор, корпи за отпадоци и заштитна ограда во должина од 1000 метри. Токму ова патека води до познатиот Ѓаволски водопад висок 20 тина метри

,, Очекуваме уредувањето на патеките до овие водопади да се создадат можност и за развој на туризмот на овие предели кои повеже природни убавини и реткости. Станува збор за недопрена убавина и места кои може да бидат идеални за планинарење, планински велосипедизам и иницирање на излетничко рекреативниот туризам,, кажаа од општината

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.