Младиот струмичанец Ангел Спасов деновиве го промовираше својот прв музички сингл со наслов ,, Ме изгуби ти’’ кој го пласираше со видео спот. Станува збор за песна во која Ангел пее за тинејџерската љубов, љубомора, доверба. Песната е дело на Роберт Билбилов кој стои како автор на музиката, текстот и аранжманот додека видео записот на Зоран Стојановски – Зонде. Во спотот се појавува Ангел Спасов заедно со Ема Стојановска од модното студио ,,Зоа Модел’’
“Ме изгуби ти” е мојот прв сингл. Претходно се немам занимавано професионало со музика. Текстот е обичен а пораката е спакувана во добрата музика која се надевам кај слушателите ќе предизвика позитивни вибрации. Нема да застанам тука и ќе има други проекти,, ни изјави Спасов кој тврди дека не било тешко да се застане пред камера и да се сними спот пред се заради професионалноста на Зонде иако се снимало 12 часа
Ангел има 17 години и е средношколец во средното медицинско училиште, а освен што своето образование планира да го продолжи во таа насока, сака и музиката да биде дел од неговото секојдневние, па веќе во тек се и подготовките за следниот проект.
„Особено ми е драго што доаѓаат нови генерации кои ги следат трендовите и сакаат оној актуелен, светски звук да го пеат, би рекол, на македонски. Ангел е едно од оние нови имиња на домашната сцена, кои навистина верувам дека имаат и што да понудат, но и убава иднина“, вели Роберт Билбилов.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
