На 12.07.2023 во 18.30 часот во Полициската станица Радовиш било пријавено дека на крстосницата од улиците „8 Септември“ и „Илинденска“ во Радовиш се случила сообраќајна несреќа помеѓу патничко возило „опел мерива“ со радовишки регистарски ознаки, управувано од Р.А.(38) од Радовиш и мотоцикл со радовишки регистарски ознаки, управуван од Ј.Ч.(49) од Радовиш, информира МВР
Во несреќата со тешки телесни повреди се здобил возачот на мотоциклот, а со телесни повреди се здобила сопатничката на мотоциклот Д.Ч., констатирани во Медицински центар Струмица. Увид на местото на несреќата извршиле Јавен обвинител од Основното јавно обвинителство Радовиш и екипи на СВР Струмица и ОВР Радовиш.
Инаку вчера од 15.00 до 23.00 часот на подрачје на Секторот за внатрешни работи Струмица била спроведена засилена контрола над возачи кои управуваат мотоцикли. При контролата биле констатирани 26 прекршоци, од кои 12 на подрачје на Струмица, 8 на подрачје на Радовиш и 6 на подрачје на Валандово. Сите констатирани прекршоци биле соодветно санкционирани.
фото (архива)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
