Во Богданци се одржа Фестивал на дивите смокви во организација на здружението Еко Росалес како членка Slow Food – Македонија, каде се презентираше процесот на подготовка на слатко од диви смокви. Станува збор за манифестација која контуинирано се одржува овој дел на државата по систем на ротација во Богданци, Дојран и Валандово а има за цел промоција локалните традиционални еко производи
И покрај лошите временски услови, Фестивалот помина во најдобар ред. Имаше гости од сите страни на Македонија кои уживаа во програмата, понудените производи на штандовите на членките на Slow Food – Македонија а го дегустираа и нашето слатко од диви смокви од кое беа воодушевени. Во посета ни беше и министерката за животна средина Каја Шукова а на манифестацијата беше присутен и претседателот на Slow Food – Македонија Николче Николовски. Беше присутен и градоначалникот Блаже Шапов но и пратеничката Драгица Ѓавочанова од која добивме и поддршка,, ни изјави Александра Картелова од Еко Росалес од Богданци
Слаткото од диви смокви е прв президиум од Македонија кој се промовира низ маркетите и саемите за здравa храна во повеќе европски држави. Паралелно на Фестивалот на диви смокви во Богданци на штандовите беа изложени повеќе дестици локални еко производи приготвени по традиционални рецепти 
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
