Пред стартот на новата ракометна сезона, струмички Астраион во сопствените редови го донесе искусниот Давор Тасковиќ од Врање Србија. Доаѓа од австрискиот Сент Полен и игра на позицијата лев бек а во својата кариера има настапувано за повеќе клубови како во Србија така и во Европа
Со грчкито Диомидис го освои Челенџ Купот на Европа и беше трет стрелец. Во својата кариера има освоено и четири шампионски титули со Врање од Србија, Динамо Букурешт, грчки Диомидис израелски Макаби. Освен во овие клубови Тасковиќ во својата кариера ги носеше дресовите и на Железничар, беше дел од францускиот Понто Комбо, грчкиот ПАОК, а последната полусезона ја одигра во австрискиот Сент Полтен.
Давор Тасковиќ родум од Врање е висок 2 метра и тежок 95 килограми. Тој треба да биде од голема помош во амбициите на на РК Астраион од Струмица да го зачува суперлигашкиот статус. Српскиот интернационалец се приклучи веќе на екипата на РК Астраион кој интензивно се подготвува за петочното отворање на сезоната со Радовиш во салата Парк во Струмица.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
