Општина Гевгелија, во соработка со УНДП и Швајцарската агенција за развој и соработка, започнува со подготовките за изработка на Интегрален план за локален развој. За таа цел, утре (12 декември 2023 година), во угостителската сала на СОУ „Јосиф Јосифовски“- Гевгелија, со почеток од 10:00 часот, ќе биде одржана Работилница за подготовка на Интегралниот план, на којашто покрај претставници од општинската администрација, се поканети да присуствуваат и претставници на локалните институции, бизнис и нво-секторот, како и младите од Општина Гевгелија.
Имено, на Работилницата за подготовка на Интегрален план за локален развој, ќе се прави SWOT анализа, ќе се дефинираат визија и мисијата на Општината, стратешките цели во сите области на делување за којашто Општина Гевгелија е надлежна и ќе се развие дискусија со цел произлегување заклучоци од работната средба за планирање на следните чекори во подготовката на документот. Подготовката на Интегрален план за локален развој е дел од активностите во рамки на Проектот: „Зајакнување на Општинските совети- Фаза 2“, во којшто е вклучена Општина Гевгелија преку Програмата финансирана од Швајцарската влада и Министерството за локална самоуправа, а ја кофинансира и спроведува УНДП во соработка со национални и локални партнери.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
