Општина Богданци ќе добие 62 илјади швајцарски франци а за што ќе се потрошат 50 000 ќе одлучуваат граѓаните

2601

Во рамките на проектот за зајакнување на општинските совети, Програмата за развој на обединетите нации (УНДП) потпиша договор за соработка со 18 општини меѓу кои и со општина Богданци за зајакнување на улогата на општинските советници но и за учество на граѓаните во избор на проект за реализација од сферата на социјаланта заштита. Согласно договорот за соработака Боданци идната година ќе добие 62 илјади швајцарски франци од кои каде ќе се потрошат 50 илјади ќе одлучуваат жителите од ова општина а останатите општинските советници и општинската администрација

Проектот го финансира Швајцарската агенција за развој и соработка а советниците ќе добиваат обуки и поддршка за планирање и трошење на општинските буџети, согласно очекувањата на граѓаните. Грантот во висина од 50.000 швајцарски франци ќе оди за приоритетни проекти кои ќе ги изберат граѓаните преку Форумите во заедницата.

„Проектот е сеопфатен бидејќи вклучува градење на капацитетите, финансиска поддршка и вмрежување на советниците, со цел да се постигне системска промена кај општинските совети. На овој начин општинските совети ќе станат поефикасни и посамостојно ќе можат да се справатсо влијанијата на извршната власт исполнувајќи ги нивните улоги на одлучување, надзор и претставување“, рече постојаната претставничка на УНДП во земјава Нарине Сахакјан.

„Задоволни сме од партнерството со УНДП во напорите да се зајакне улогата на општинските совети и да им се овозможи соодветна обука, можности за вмрежување и професионална соработка, на национално и меѓународно ниво“, изјави амбасадорката на Швајцарија, Сибил Сутер Техада.

Покрај обуките за советниците и грантот од 50.000 швајцарски франци, секоја од општините ќе добие и грант во висина од 12.000 швајцарски франци за имплементација на иновативни IT решенија за зголемување на транспарентноста и отчетноста на општините, како и учеството на граѓаните во носењето одлуки на локално ниво.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.