На 05ти и 6ти јули 2021 година во Струмица се одржа последниот состанок на проектниот тим во рамките на проектот „Заеднички мерки за спречување и намалување на последиците од катастрофи во општините Сандански и Радовиш“ финансиран од Европската Унија преку Интеррег ИПА Програмата за прекугранична соработка помеѓу Р. Бугарија – Р. С. Македонија.
На состанокот проектниот тим дискутираше за постигнатите резултати, индикатори, импактот којшто го има проектот врз целните групи, а исто така беа разменети искуства и практики за надминувањето на предизвиците со кои проектните тимови од прекуграничниот регион се справуваа за време на спроведувањето на проектот.
Со овој состанок се заокружи и затворањето на Проектот „Заеднички мерки за спречување и намалување на последиците од катастрофи во општините Сандански и Радовиш“ кој завршува на 12ти јули, 2021 година.
На состанокот членовите на проектниот тим изразија задоволство од успешното реализирање на проектот и одличната меѓусебна соработка, со надеж и амбиции за продлабочување и унапредување на истата со што повеќе плодни и успешни прекугранични проекти во иднина.
Проектот е финансиран од Евопската Унија и Националните Фондови на земјите учеснички.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
