Во отсуство на прволигашка кошарка, Струмица оваа сезона ќе има два преставника во Третата кошаркарска лига Исток која брои 11 екипи. Мечевите од ова натпреварување стартуваа минатата недела а викендов се одиграа натпреварите од второто првенствено коло.
Кошаркарите на Струмица кои во првото со 80:58 го надиграа тимот на Овче поле на свој терен, во второто славеа над еден од фаворитите за висок пласман во оваа натпреварување тимот на Водњански лисици во Скопје со 73:70
Водњански дуелот го почна офанзивно. Направија фантастична серија од 12:0 . Но ова не ги демотивираше избраниците на Ики Христов кои од минута во минута ја топеа предноста на домакините. На полувреме ,,лисиците“ имаа предност од 5 поени (41:36). Во второто полувреме струмичките кошаркари одиграа доста поборбено во одбраната. Ги затворија сите приоди кон кошот при што се играше егал. Во четвртиот период со двете тројки на Ѓоргиев и Ахтаров Струмица дојде до водство кое успеа да го задржи до крајот на мечот.
Ѓоргиев со 27 поени беше најефикасен. Алексиќ постигна 16, Ахтаров 15, Хасанов 13. Следното коло кошаркарите на Струмица се слободни.
Освен тимот на Струмица, од Југоистокот во оваа натпреварување се и екипите на Ролинг од Струмица и Гевгелија.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
