Доктор на науки и 26 магистри се водат како невработени во Бирото за вработување во Струмица. Така стои во прегледот на невработени лица според школска подготовка заклучно со 30 ти ноември годинава, што ја води Агенцијата за вработување. Според прегледот може да се констатира дека станува збор за жена која докторирала а во евиденцијата на АВРМ се води од мај годинава од кога чека работа. Бројката пак на невработени магистри се зголемува во септември а од евидентираните 26 невработени магистри – 22 се жени.
Во Струмица и регионот најмногу доминираат невработени лица без и со основно образование 3 715 лица. Со непотполно средно се водат 293 лица а 636 лица чекаат работа со средно образование. Со више се водат 27 невработени лица а со високо има 169 невработени лица.
Заклучно со ноември во Струмица и регионот се воделе 4867 што е намалување за 40 тина лица во однос на октомври кога во АВРМ во Струмица имало 4903 невработени.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
