Во август најдоцна септември треба да се изврши исплата на надоместоците на членовите на избирачките одбори и Општинската изборна комисија на Струмица кои беа задолжени за спроведување на Локалните избори 2025. Вака најави првиот човек на општината Петар Јанков на последната седница на Советот на општината, на советничко прашање од СДСМ кога ќе се исплатат паушалите на избирачките одбори.
Станува збор за сума од 11 300 000 денари или околу 184 илјади евра кои треба да бидат распоредени на претседателите, членовите и нивните заменици во ОИК Струмица но и на 83 те избирачки места кои беа вклучени во процесот на гласање на граѓаните од Општина Струмица.
,,Имајки ја во предвид тешката финансиска состојба во која се наоѓа општината каде имавме исплата на долгови од 2023, 2024 и 2025 година а дел од нив ги репрограмирани и ги исплаќаме на рати а дл ги исчистивме, дојдовме до ситуација да членовите на избирачките одбори да бидат исплатени во месец август најдоцна до почетокот на месец септември. Избирачките одбори се исплакаат од буџетите на оптшината“, кажа градоначланикот Петар Јанков кој се извини на сите кои чекаат пари по овој основ
Во Општина Струмица има вкупно 83 избирачки одбори. Законот предвидува тие за спроведување на Локални избори да ги платат општините.
Според Правилникот на Државната изборна комисија која дава насоки за висината на надоместоците односно паушалите донесена од 13 ноември минатата година – претседателот, секретарот, членовите и нивните заменици на Општински изборни комисии кои имат од 71 до 100 избирачки места како што е Струмица, треба да добијат од 72 до 31 илјада денари во зависност која позиција ја имат. Паралелно добиваат и соодветен надоместок и од бројот на кандидатските листи кои се пријавени до нив како Општинска изборна комисија.
Надоместоците на избирачките одбори се движат од 12 до 22 илјади денари во зависност дали се претседатели или членови односно нивни заменици но и во зависност од бројот на гласачите на избирачкото место. Најмлаку добиваат тие кои на едно избирачко место имаат максимум 300 гласачи а најмногу оние кои на избирачкото место има над 901 запишан избирач. Доколку се ангажирани и ден претходно за гласање на затвореници болни и изнемоштени добиваат од 20 до 50 % плус од висината на надоместокот. ( В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
