Љубовта ја претвори во хоби, младата Марија од Струмица изработува ЕКО декоративни свеќи

2403

Младата Марија од Струмица својата љубов кон декоративните експонати ја претвори во хоби и почна да изработува украсни EKO свеќи кои ги именува како ,,Ариа свеќи’’ за сечиј дом.  Како што не информираше таа декоративните свеќи ги изработува од восок направен од соја кој е целосно природен и не е штетен по здравјето. Таа секој миг од слободното време го посветува на креациите, дизајнот и боите на нејзините експонати на кои е посебно горда бидејки преставуваат уникатни дела.

,,Ме интесирале работи поврзани со декорации, претопување, масла и слично  и новиот светски тренд со свеќички беше совршена прилика да започнам. Веќе неколку  месеци изработувам декоративни свеќи од восок направен од соја кој е 100% природен и не токсичен за разлика од парафинот кој е штетен за здравјето на клиентите кои го дишат. Свеќичките се доста интересни и декоративни за сечиј дом, а се вистински погодок и за подарок,, ни изјави младата Марија која соопшти дека изработува украсни свеќи во различни големини.

Вели дека за еден експонат или декоративна свеќа троши и по неколку часови бидејки целиот процес е доста долг. Но кога се работи со љубов како што тврди Марија тогаш останатото оди во втор план. Горда е што за кусо време изработила над стотина декоративни свеќи, кои може да се вклопат во сечиј дом и ги има подарено на блиски пријатели но и за продажба за што отвори и своја ФБ страна

,,Секоја од свеќите е изработена со многу трпение, процесот е долготраен, но тоа се занемарува бидејки се изработени со голема љубов. Имаме избор на бои и мириси па така секојдневно се трудам да внесам нешто ново и интересно во изборот на Ариа свеќите,, вели Марија

Какви се експонати изработува во какви дезени може да се види и на најзината официјална ФБ фан страна Aria Candles

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.