,,Љубовта не боли” на струмичанката Славица Ангелова меѓу најдобрите песни на Макфест според публиката

180

Младата струмичанка Славица Ангелова, која годинава дебитира на 34-то издание на фестивалот на забавни мелодии „Макфест“, на синоќешната втора полуфинална вечер ги освои симпатиите на публиката и продолжува во финалната вечер на овој реномиран фестивал. Таа со песната на Иван Јованов, Јован Јованов и Елвир Мехиќ, насловена „Љубовта не боли“, ги освоите 10-те поени од вкупно 12 на публикат и ќе настапи и вечерва на финалето, како 11-та од вкупно 20 интерпретатори објави СтрумицаНет   

На овој фестивал настапија и Трајче Ѓоргиев од Струмица со песната ,, Си одиш ти” и гевгеличанецот Игор Узунов со песната ,,Ранет херој” но не успеа да ги освојат потребните гласови за пласман во финалето.

Најдобрата песна од годинашново издание на Макфест ќе биде наградена со 5.000 евра, второпласираната со 3.000 и третопласираната со 1.000 евра. Четирите технички награди ќе изнесуваат по 500 евра, со што вкупниот награден фонд за оваа година изнесува 11.000 евра.Наградниот фонд и средствата за организација ги обезбеди Општина Штип, а Министерството за култура го помага фестивалот со еден милион денари.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.