Хари Мата Хари со концерт на гевгелиската Смоквијада која ќе понуди разновидни специјалитети од зрели смокви

2174

Во организација на здружението ,,ТеРа” од Гевгелија при крајот не месец август ќе се одржи традиционалната манифестација ,,Смоквијада” која има за цел популаризација на рецептите од смокви но и нутритивните вредности на ова овошје. Годинава ова манфиестација ќе биде збогатена и со концерт на големата балканската музичка ѕвезда Хари Варошановиќ и тоа во саботата на 31 август 2019 година, на ракометното игралиште во Градскиот стадион во Гевгелија.

Смоквијадата ќе започне со дегустација на специјалитети од зрели смокви на 29 август кога ќе има и забава за младите под мотото ,,Смоквијада на зајдисонце,, . Следниот ден на 30 август ќе биде традиционалното варење слатко од зрели смокви  каде повеќе екипи од по два члена ќе се натпреваруваат кој прави подобро слатко, кога ќе има и културно уметничка програма со повеќе фолклорни друштва и ансамбли

На 31 август Хари Мата Хари треба да приреди вистинско слатко задоволство за сите присутни на ова манфиестација кога ќе ги пее неговите познати хитови. Смоквијадата ќе заврши на 1 септември  ќе има предавање на тема ,, Нутритивните својства на смоквата се со цела да се запознаат лековитите својства на ова овоште кога ќе бидат прогласени и победниците од натпреварот во варење слатко од зрели смокви.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.