Фото – Македонската селекција го одработи првиот тренинг во Струмица – одиме на победа против Грција кажаа ракометарите

497

Македонската ракометна репрезентација пристигна во Струмица и го одработи првиот тренинг во спортската сала ,,Парк’’ за неделниот меч со соседна Грција во рамките на квалификациите за Европското првенство во 2020 година.  Селекторот на репрезентацијата Данило Брестовац ги има на располагање сите ракометари и најави можни две рокади за дуелот со Грција со цел освежување на селекцијата

,,Секако дека сме фаворити и одиме на победа, размислуваме на  две измени во репрезентацијата кои ќе дадат свежина, се надевам дека ќе се наметнат и ќе дадат  максимум, за да може да сметаме на нив за Европското, оти ростерот ни е тенок. Тука пред се размислувам на Дарко Димитриевски кој ќе го замени Кукоски но на овие два тренинга ќе го дефинираме составот и тактиката,, ни изјави селекторот Брестовац

Ракометарите на почетокот на првиот тренинг имаа полесно загревање по што селекторот пристапи на одигрување на одредени тактики кои треба да бидат применети во мечот против Грција. Младиот Филип Талевски вели дека ќе дадат максимум за мечот против Грција за поволен резултат – селекцијата која против Исланд извлече реми и покажа дека не е за потценување.

,, Ова група е изедначена,  секој секого може да победи а тоа го покажа и Турција па и Грција која извлече реми со Исланд и мора да играме дисциплинарано и ангажирано. Грција е квалитена репрезентација мора максимално да пристапиме со нив ако сакаме да извлечеме поволен резултат,, изјави за Дрнка.МК Филип Талевски за мечот со Грција во недела

Во првата меѓусебна пресметка Македонија претрпе пораз од Грција во Кожани. Со победата над Турција селекцијата обезбеди учество на ЕП идната година но со реми или триумф над грците ќе донесе и прво место за Македонија во групата, кое исто така носи и подобра ждрепка за ЕП 2020.

Дуелот меѓу Македонија и Грција се игра во салата „Парк“ во Струмица, на 16 јуни со почеток во 18 часот. За овој меч блесна и спортската сала која доби ново осветлување

.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.