Утврдени областите во кои треба да се прават проекти за подобар живот во Југоистокот

446

Транспорт и инфраструктура како и економија и туризам. Тоа се областите кои преставниците на општините и граѓанскиот сектор од Југоистокот ги посочија како приоритетни на кои треба да се размислува за предлог идеи за проекти кои ќе го подобрат животот во Југоисточниот плански регион со средства од Пограмата за рамномерен регионален развој за 2024 година на Бирото за регионален развој.

Ова е епилогот од Првата сесија на Регионалниот форум во организација Центарот за развој на Југоисточниот плански регион со цел да се слушне мислењето и гласот на граѓаните од сите општините од Југоистокот за да може да се креираат проекти кои ќе овозможат подобрување на условите за живот на населението од овој регион.

Според присутните треба да се интервенира во овие четири области (транспорт и инфраструктура и економија и туризам)  кои впрочем добија и најмногу гласови од присутните.

Врз основа на идентификуваните проблеми, преку нивна анализа и разработка, во наредниот период ќе се развијат концептни решенија кои понатаму ќе се презентираат пред Советот за развој на Југоисточниот плански регион, како и пред присутните учесници на втората форумска сесија, која е планирана да се одржи кон крајот на месец ноември 2023 година.

Регионалните форуми во заедницата во Југоисточниот плански регион се финансиски поддржани од Министерството за локална самоуправа и Швајцарската агенција за развој и соработка преку проектот “Одржлив и инклузивен рамнoмерен региoнален развoј – 2 фаза“.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.