Трчаа од Валандово до Гевгелија за пациентите со пуломонална хипертензија да имаат подобар живот и лекови на време

1094

Здружението за пулмонална хипертензија ,, Момент плус’’ од Гевгелија организираше хуманитарно трчање од Валандово до Гевгелија преку Богданци, Стојаково и Богородица во должина од 35 километри. Станува збор за полумаратон кој има за цел да се упати апел до сите дека секој заслужува подобар живот но и порака до министерството за здравство  да се подигне свеста за оваа ретка болест

На полумаратонот освен атлетичари од Гевгелија, учество зедоа и атлетичари и рекреативци  од Скопје, Велес, Струмица, Богданци и Дојран но и припадници на Граничната полиција од Чешка а предничаше жената амабасадор за пациентите со пулмонална Валентина Узунова.

,, Во Европа повеќето земји имаат соодветна грижа, рана дијагноза третман на време. Постојат 16 лекови за пулмонална хипертензија а тука кај нас имаме само два со селективен пристап. Сакаме да имаме подобар квалитет на живот лекови на време. Да се има услови за рано дијагностицирање и третман на сите без разлика дали е примарна или секундарна болест,, вели Ѓурѓица Ќаева од Гевгелија од здружението Момент плус

Во земјава од ова болеста се регистрирани околу 15 тина пациенти со пулмонална хипертензија која пациентите ги остава без здив, замор, болка во градите заради високиот крвен притисок во артериите на белите дробови кој предизвикува поинтензивна работа на срцето за да ја испумпува крвта

Од здружението Момент Плус упатија благодарност до спонзорите Синотип и Скај Хотел но и до градоначалниците на Гевгелија, Валандово и Богданци, Сашко Поцков, Перо Костадинов и Блаже Шапов

Благодарност упатија и до иницијаторка на настанот Валентина Узунова –амбасадор на здружението АПХ „Момент Плус“, Здружение 7ми Ноември –Гевгелија, Клиника „Жан Митрев“, Центар Мајка Тереза, Ројал Медика од Богданци, Кафе бар Емпорио од Богданци и Кафе бар Пјаца од Гевгелија и полицијата од Валандово и Гевгелија.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.