Струмичкото кошаркарско дерби повторно за Струмица, Ролинг 08 одлично одигра само едно полувреме

200

Кошаркарите на ,,Струмица’’ забележаа уште една победа во градското соочување со ,,Ролинг 08’’ во Втората лига. Во рамките на 17 тото првенствено коло КК Струмица во својство на гости, славеше кај КК ,,Ролинг 08’’ со 53:79 (14:18 22:12 09:27 08:22). Кошаркарите на Зетов и Цикарски беа поубедливи на терен посебно во второто полувреме кога ,,Ролинг 08’’ одигра слабо со многу грешки.

Избраниците на Гонев и Каламерников односно играчите на ,,Ролинг 08’’ одиграа одлично во првото полувреме, посебно во втората четвртина кога по водството на КК ,,Струмица’’ направи пресврт и обезбедни предност за второто полувреме. Но во второто полувреме ,,Струмица’’  ја стегна одбраната и беше подоминантен на терен  па на домаќините им дозволија само 17 поени за 20 минути.

Кај КК ,,Струмица’’ најефикасни беа Абрашев со 21, Наумовски со 17, Шајкаров со 14, Димитриев 13. Поени постигнаа и Зетов 6, Вучков 4, Ахтаров 3 и Ангелов 1. Кај КК ,,Ролинг 08’’ најефикасен беше Рабровалиев со 21, Гудев 16, Петров со 7 и Костадинов и Тагарски по 2 поени

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.