Струмичка поддршка на македонските ракометари во Виена, капитенот на одбојкарите Ѓоргиев верува во победа против Чешка

3267

Голем број струмичани заминаа во Австрија да ја бодрат македонската ракометна селекција на својот настап во Виена во рамките на Европското првенство. Таму се приклучија и нашинци кои живеат и работат во Австрија, Швајцарија, Германија, Италија. Сите заедно вчера навиваа и се радуваа на победата на македонската репрезентација  против Украина а најавуваат и огромна поддршка и во неделниот меч протв Чешка кој ќе биде исклучително важен за пласман во втората фаза.

,,Градската сала’’ во Виена Австрија каде настапува македонската селекција, синоќа беше обоена во црвено жолтата боја а за утре се најавува уште поголем број навивачи бидејки дуелот со Чешка се смета за клучен во понатамошниот пласман.  Црвено жолтата боја доминира и во угостителските објекти во Виена каде се собираат струмичките навивачи.

Поддршка на македонските ракометари им дава и капитенот на одбојкарската репрезентација на Македонија- Никола Ѓорѓиев кој верува дека утре ќе има ново славје во ,,Градската сала’’ и во Виена но и насекаде каде што живеат македонците и се лубители на спортот и ракометот.

,,Дојдов да ја поддржам македонската репрезентација. Знам дека на ЕП секоја поддршка е важна и се надевам дека утреќе успееме да славиме и ќе се пласираме во втората фаза. Утре ќе пресуди нашата борбеност и нашата храброст. Убеден сум дека  нашите момци ќе гинат на теренот и ќе донесат радост,, изјави за Дрнка.Мк капитенот на македонската одбојкарска селекција Никола Ѓоргиев

Мечот со Чешка е закажан утре (недела) во 16 часот по што Македонија на 14 ти јануари ќе игра и со домаќинот Австрија. По синоќешната победа избраниците на Данило Брестовац и е потребна најмалку уште една победа за сигурен пласман во понатамошната фаза од ЕП во ракомет кое ова година се одржува освен во Австрија и во Шведска и Норвешка.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.