Одбојкарките на Струмица жени, дебитантот во прволигашкото натпреварување повторно забележаа победа против градскиот ривал Виктори Волеј. Во спортската сала Парк во Струмица, девојките на Милев и Божијанова-Димитриевска со 3:0 во сетови ги запечатија надежите на ,,викторијанки’’ за успех во втората меѓусебна пресметка.
Во завршниците на сите три сета Струмица Жени имаше далеку подобра и постабилна игра наспроти Виктори кој потфрли во приемот. Сестрите Владевска, Пандева, Станковска, Иванова, Каралијска заедно со Милева ги смирија викторијанки и не дозволија кикс на домашен терен. Првиот го добија со 25:20, вториот со 25:23 иако можеше Виктори да направи изненадување додека третиот Струмица жени го доби рутински со 25:15.
Ова е 10 та победа за дебитантот Струмица Жени кој со 28 бода се зацврстува на 4 тата позиција и го ,,мерка’’ третото место на Наковски со што ги значително ги зголеми шансите за разигрување за титулата имајки во предвид бодовното салдо напетопласираниот Јанта и фенерџијата во ова фаза Виктори.
По поразот пред своја публика од Струмица Жени, Наковски Волеј вечева забележа победа на гостувањето во Скопје против Јанта Волеј со 3:2 во сетови. Според информациите доста интересен и возбудлив натпревар во кој струмичанки можеле да дојдат и до цела победа но осцилациите во играта ги искористил домашниот состав. Со новите два бода сега имаат вкупно 30 и остануваат на третата позиција.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
