СОУ ,,Јане Сандански” Струмица спрема Новогодишен концерт со песни од Ѓорѓе Балашевиќ (фото/видео)

1163

Триесетина ученици од СОУ Јане Сандански деновиве интензивно се подготвуваат за концертот насловен,, Рингишпил” во чест на Ѓорѓе Балашевиќ кој почина минатата година. Ќе бидат отпеани сите негови хитови од учениците- членови на музичката секција заедно со музичката група на СОУ Јане Сандански. Концертот e закажан на 27 декември во Домот на АРМ и се очекува да трае 70 тина минути. Планирани се два едно- подруго концерти со оглед на големиот интерес на струмичани.

Станува збор за традиционалниот Новогодишно-Божиќен концерт што СОУ Јане Сандански од Струмица секоја година го организира пред Божиќ во НУЦК Антон Панов. Но со оглед на енерегетската криза и немањето доволно средства, се одлучи годинава тоа да биде пред Нова Година и во Домот на АРМ.

Како што не информираше професорката Анита Станковска концертот ќе биде  вистински времеплов низ богатиот музички опус на Ѓорѓе Балашевиќ  кој во дел од песните и рецитира пренесувајки емоции кон публиката. Сето тоа ќе биде дополнителен предизвик за младите средношколци да ја доловат суштината и пораката што Балашевиќ ја испраќа преку неговите песни.

Познатиот кантавтор, Ѓорѓе Балашевиќ“ почина во 67. година на живот, ја загуби битката со корона вирусотБеше познат југословенски кантавтор и поет. Беше член на групите „Жетва“ и „Рани мраз“, а во 1982. година ја започна соло кариерата.Објави вкупно 12. албуми од кои се издвоија бројни песни познати на генерациите.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.