Се што се објавува на социјалните медиуми не е реалност, Диверзија од Гевгелија со видео како наседнува публиката

2811

Социјалните медиуми не ја преставуваат реалноста каква што е . Во рамките на проектот ,,Медиумска диверзија’’ Центарот Мултус и продукцијата Диверзија на оригинален начин ја презентираат разликата меѓу реалниот живот и онаа што се презентира на социјалните мрежи кои последниве години имаат огромно влијание врз тоа како го доживуваме светот околу нас.

„Примањето информации и податоци од социјалните мрежи не значи дека се презентира и  реалната слика. Можноста да го препознаеме тоа значи дека имаме добра перцепција за критичко и објективно размислување“ предупредуваат од Мултус

Во последниов период  на социјалните мрежи сѐ попознати се инфрлуенсерите, а тоа се лица кои на своите профили имаат огромна публика (следачи) и имаат влијание преку свои фотографии или пораки. Поради можноста брзо да допре до голем број на луѓе со својата порака, овој профил на популарни личности го добил таквото име. Треба секогаш да се има на ум – дека моќта ја дава публиката. За да биде влијатетен, треба да има кој да го следи делото и да го прима или слуша влијанието.

За разлика од пред неколку години кога влијанието се одразуваше преку откритија, развојни иницијативи, корисни и советодавни пораки, во меѓувреме работите отидоа во спротивен правец со трендот на фалење со материјални поседувања, давање предност на селектирани физички атрибути, па дури и социјалните мрежи се прилагодија на тој тренд со додавање „филтри за убавина“ во своите опции. Тоа укажува на моментот дека не сме природно убави, па ни треба разубавување од некаков тип, а тоа кај публиката предизвикува разочарување.

Она што радува е дека и на светско ниво и кај нас, почнува да се менува трендот на вредностите кои ги „продаваат“ инфлуенсерите. Сѐ почести се оние кои добиваат публика и внимание поради тоа што ги користат своите профили за да испратат добра порака, да понудат селектирани производи кои не се штетни  или да ја подигнат свеста за одредени прашања – животни, права на луѓето, екологија и така натаму.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.