Познати екипите кои ќе играат за победник на турнирот во мал фудбал „Струмица 2023“ и наградите од 4 илјади евра

1235

Познати се четирите екипи кои ќе разигруваат за победник на годинaшново издание на турнирот во мал фудбал Струмица 2023 на кој учествуваа вкупно 24 екипи. Преку натпреварите од сите 6 групи како и од елиминациските рунди, екипите на Токи Еднокуќево, Космовет од Кавадарци, Руски комерц од Дабиле и Црна река од Кавадарци ќе играат за наградниот фонд од 240 илјади денари.

Вечерва на програмата се полуфиналните двојки. Ждрепката посака во првото полуфинале кое е закажано во 21 часот и 30 минути да се сретната Космовет од Струмица и Црна река од Кавадарци додека во второто полуфинале играат екипите на Руски комерц од Дабиле со Токи Еднокуќево.

Космовет во полуфиналето стаса откако во четвртфиналето со 4:2 славеше против Борово стебло, тимот на Токи Енокуќево пак против Раклис пласт со 3:1. Во синоќешните два четвртфинални натпревари беа постигнати дури 17 гола.  Руски комерц против Баламов славеше со 8:3 додека Црна Река против Фреигт Оне со 5:1.

Малото и големото финале се закажани во недела вечер кога ќе бидат прогласени и најдобрите поединици на турнирот вреден 4 илјади евра кој завчера го завршија младите а победник беше екипата на Лав Комерц

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.