Општина Валандово со повеќе проекти во Удово кое добива современ и урбан лик со новиот плоштад

3940

До крајот на месецов или почетокот на идниот треба да биде готов плоштадот со парк кој се гради во населеното место Удово во општина Валандово. Локацијата која беше запуштена и обрасната со треви сега ќе биде пристојно место за одмор, релаксација но и за организирање на културни настани .

Поставени се патеките, урбана опрема, подигнати се паркови површини, изграден е мини амфитеатарот, фонтана а се подигаат и летниковци. Станува збор за нов урбан простор кој општина Валандово го гради исклучиво со сопствени средства за што од Буџетот беа обезбедени 4 милиони денари.

,, Очекуваме до крајот на месецов да биде готов овој проект кој го работиме исклучиво со средства од Буџетот на општината. Жителите од ова населено место ќе добијат нов урбан простор согласно современите текови на живот имајки во предвид кое се урбани елементи ќе ги има. Станува збор за јавен простор кој на Удове ќе му даде сосема нов, модерен лик а ќе биде во функција на жителите од ова населено место,, вели градоначалникот на Валандово Перо Костадинов кој подвлече дека како локална самоуправа се трудат во секое населено место да се инвестира во проекти кои ќе приоднесат подобар живот на жителите од ова општина.

Паралелно во ова населено место се работи и на реконструкција на улицата ,,Вардарска’’. Станува збор за улица која ги поврзува жителите од Удово која треба да биде готова за неколку месеци. Реконструкцијата на улицата е со средства од Агенцијата за финансиска поддршка и рурален развој со која се отвора можноста за проширување на ова населено место но и зголемување на вредноста на парцелите во тој дел од Удово.

Како што подвлече градоначалникот Перо Костадинов во Удово се решава и проблемот со атмосферските води кои преставуваа проблем бидејки предизвикуваа поплави а во подрачното училиште поставено е нов систем на греење а паралелно сменет е и подот.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.