Од Јапонија во Германија – струмичкиот одбојкарски интернационалец Никола Ѓоргиев потпиша за Фридрикшафен

585

Струмичкиот одбојкарски интернационалец и капитен на македонската одбојкарска репрезентација Никола Ѓоргиев објави дека следната сезона ќе ги брани боите на германскиот одбојкарски тим Фридрихшафен. Тој го напушти јапонскиот Осака Блејзерс и следната сезона ќе се обиде да донесе нова титула на Фридрихшафен кој последната сезона беше вицепрвак на Германија

Тоа е седма различна дестинација во интернационалната кариера на капитенот на македонскиот национален тим која интензивно се подготвува за ЕП во Словенија.196-сантиметри високиот Ѓорѓиев има настапувано во Србија, Турција, Франција, Јапонија и Полска.

Никола Ѓорѓиев во својата кариера со Торај го освои Царскиот одбојкарски Куп во Јапонија, а трофеи освојуваше и со Раднички Крагујевац и Париз Волеј. Германски Фридрихшафен досега има освоено  13 шампионски титули, 16 трофеи во Купот, а има и еден пехар од Лигата на шампионите – во 2007 година

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.