Нови 19 лица позитивни со коронавирус, вкупната бројка на заболени во земјава достигна на 67, објави Филипче

241

Бројката нови лица заболени од корнавирус до 10 часот е 19, а вкупната бројка на заболени во земјата е 67, објави министерот за здравство Венко Филипче.Вчера попладне и во текот на ноќта преку Институт за јавно здравје на коронавирус се тестирале 71 лице. Од нив 2 лица се позитивни на вирусот, едно од Скопје – контакт на веќе потврден и дијагностициран пациент од Скопје, и едно од Охрид – дојдено од Бреша, Италија кое било во контакт со потврдени и заболени пациенти од коронавирус во Италија.

Најголем дел од тестирањата направени преку ИЈЗ се во рамките на раниот скрининг, кај лица со поширока индикација. На клиниката „Жан Митрев“ се тестирани и позитивни на вирусот уште 17 пациенти, кои ќе бидат потврдени во текот на денот. Со ова, бројката на новозаболени до 10.00 часот е 19, а вкупната бројка на заболени во земјата е 67.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.