Најголемата сума од буџетот на министерството за земјоделство во износ од 884,9 милиони денари е наменета за Управата за водостопанство. Со овие средства и во 2023 ќе продолжат започнатите капитални водостопански проекти, соопштија од минситерството за земјоделство од каде тврдат дека напролет треба да биде готова браната Конско која веќе неколку години се гради.
![](https://drnka.mk/wp-content/uploads/2022/12/конско-1024x596.jpg)
,, Во првиот квартал ќе заврши изградбата на браната Конско. Тоа е најголем капитален проект за водоснабдување во последните 50 години. Изградбата на оваа брана започна во јуни 2018 година. Вкупната инвестиција е 40 милиони евра, обезбедени од Министерството за земјоделство, шумарство и водостопанство и Програмата за рурален развој. Оваа вештачка акумулација е дел од хидросистемот „Гевгелиско поле” и нејзиното пуштање во употреба ќе значи навремено обезбедување на вода за наводнување за нови 4.000 хектари земјоделски површини, во гевгелиско-валандовскиот регион.
![](https://drnka.mk/wp-content/uploads/2022/12/03062020_mzsv_dimkovski_poseta_na_brana_konsko_4-1024x682.jpeg)