Наковски Волеј не се откажува од финале за Шампионска титула, во Струмица убедливи против Јанта

988

Одбојкарките на Наковски Волеј целосно го надиграа тимот на Јанта Волеј во вториот полуфинален меч од Плеј офот со 3:0 во сетови и ги задржаа шансите на пласман во големото финале за освојување на Шампионска титула. Тие се реваншираа за поразот во Скопје и за патникот кој ќе му се спротистави на Работнички ќе се одлучува на мајсторката закажана во Скопје. Двата тима имаат по една победа пред клучниот меч на кој Јанта волеј ќе бидат домаќинки заради подобриот учинок во регуларниот дел од Првата одбојкарска лига жени.

Со прикажата борбена игра на сите позиции во СОУ Димитар Влахов, струмичкиот тим Наковски волеј покажа дека во своите редови има квалитет и потенцијал да направи подвиг во Скопје. Понесени од публиката одиграа пожртвувано за секој поен ставајки го Јанта во позиција повеќе да размислува за третиот и клучен меч отколку да се потруди работите да ги заврши во Струмица.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.