Митев со спот за песната ,,Да се живи здрави младоженците’’ пренесувајки ги убавините и традициите од Мариово и Зовиќ

1599

Фолк пејачот Јордан Митев деновиве го објави видео спот за песната ,,Да се живи здрави  младоженците,, која беше снимена во 2019 година а зад која како комплетен автор стои токму Митев. Станува збор за песна посветена на млaдоженците и нивниот најсреќен чин, кога радоста ја споделуваат со најблиските, конкретно за една традиционална македонска свадба.

Спотот е снимен во Мариово и селото Зовиќ пренесувајки ги убавините од овие места испреплетени со кореографија на Бранко Жежовски – Жежо од играорците на ансаблот ,,Гоце Делчев,,  од Битола кои ги отсликуваат традиционалните вредности на Македонците. Во спотот настапуваат и музичарите кои го придржуваат Јордан Митев во неговите настапи а целиот пакет како видео запис го реализираше Зати од Охрид.

,,Да се навратиш кон традицијата тоа е исто како да се напиеш ладна вода од некој планински извор. Понекогаш човек сака, барем мојата душа да се “напие” бистра вода од македонскиот избор. Затоа сега почувствував дека треба такво видео да снимам, впрочем и самата песна тоа гo бараше.  Јас сум презадоволен иако секогаш можам и може подобро и подобро, но оставам нешто и за следниот проект. Целата песна и спотот имаат порака дека сме народ со сопствена традиција, култура, фолклор, сметам дека тоа е обврска на секој артист тоа да го негува, претставува и надградува на најдобар можен начин,, изјави за Дрнка.МК Јордан Митев

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.