Лајонси со акција „купи и подари оброк – нахрани семејство“

364

„Купи и подари оброк – нахрани семејство“ е акција која почна да ја реализира Лајонс клубот Прилеп. Станува збор за втор имиџ проект на Гувернерката на Лајонс Дистрикт 132, Весна Пацаноска, која потекнува од овој клуб.

„Засега почнавме со Лајонс Клубот Прилеп и во соработка со пет ресторани. Целта е оваа акција да се прошири низ целата држава со идеја секој Лајон или друг граѓанин, гостин во рестораните кои имаат соработка со Лајонс клубовите, да плати оброк и да го донира на одредено семејство. Се надеваме дека оваа акција ќе се реализира секаде во земјава и ќе се вклучат повеќе ресторани, повеќе лајони, повеќе граѓани, со намера да нахраниме што е можно повеќе луѓе“, вели Пацаноска.

Според неа, Лајон задолжен од клубот, ја дава адресата од семејството на ресторанот, кој потоа ја доставува храната на неговата домашна адреса. Засега многу од рестораните приклучени кон оваа акција нудат попуст од 10 до 50 проценти.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.