Лага е дека австралиските деца позитивни на ковид-19 се одвојуваат од родителите

71

Рецензираме пост на Фејсбук кој е прилично вирален на социјалните мрежи. Станува збор за видео од Австралија за кое се тврди дека прикажува како полицијата насила одзема дете од таткото, бидејќи било тестирано позитивно на коронавирусот.

Австралија продолжува да ме потсеќа на што ни доага овде аако не се спротивставиме- дете тестирсано позитивно и насила е земено од родителите..

Meanwhile in Australia… Children testing positive for covid are forcibly separated from their parents, се вели во постот кој го анализираме.

Ваквите информации не се точни, а демант стигна од локалната полиција од каде нагласија дека австралиските деца кои се тестирани позитивно на ковид-19 не се одвојуваат од своите родители. Рекацијата следеше откако видеото со таквото тврдење почна да се споделува на социјалните мрежи и да станува вирално.

Полицијата од југоисточната држава Викторија, на 20 август, на својот официјален Твитер профил, напиша:

Полицијата во Викторија може да потврди дека ова е неточно. Овој настан во никој случај не беше поврзана со ковид-вакцинација или тестирање. Заради приватноста на инволвираните, нема да даваме дополнителни детали.

 

Имајќи ја предвид реакцијата на полицијата од државата Викторија можеме да заклучиме дека постот кој го рецензираме е дезинформација.

„Вистиномер“ и претходно има дебанкирано лажни информации поврзани со Австралија, како, на пример, онаа дека карантинот во оваа земја се вовел поради спроведување на присилна вакцинација.

 

Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.