Конче, Дојран, Валандово и Гевгелија заедно со ЦРЈПР ќе реализираат проекти за подобра туристичката понуда во Југоистокот

1438

Проектот што доби најмногу гласови за реализација преку Центарот за развој на Југоисточниот плански регион идната година е ,,Збогатување на туристичката понуда во Југоисточниот плански регион’’ кој ќе се реализира во четири општини од Југоистокот. Станува збор за општините Конче, Дојран, Валандово и Гевгелија кои заеднички конкурираа за подобрување на туристичката инфраструктура со кој би се потикнале руралниот, езерскиот, културно-црковниот, планинскииот и ловен туризам.

Согласно проектот кој доби најмногу гласови, во општина Дојран се планира се планира да биде изградена пешачка патека до граничниот премин Стар Дојран. Патеката ќе биде во должина од 1 285 метри, бидејки трасата која води до граничниот премин  е обрасната со трева со многу нерамнини, насипи од земја, шут и истата е запуштена и нефункционална. Се планира и уредување на зелен појас

Во Валандово ќе се уредува туристичка патека за рекреација од манастирот Св. Горѓи до археолошкиот локалитет Исар Кулата (Маркова Кула). Станува збор за патека во должина од 700 метри. Вдолж патеката ќе биде поставена урбана опрема, клупи и патокази но ќе биде и осветлена. Кај археолошкиот локалитет Исар Кулата до каде ќе води патеката согласно проектот се планира и поставување телескоп за набљудување . Целта на овој проект е да привлече што повеќе гости и посетители до овој археолошки локалитет до кого нема соодветна инфраструктура

Во Гевгелија согласно проектот, активностите ќе бидат насочени за доизградба на локалниот пат до населеното место Ума, кое се наоѓа на планината Кожув. Станува збор за патен правец во должина од 782 метри, со кој ќе се овозможи ревитализација на селото односно со изградба на овој патен правец да се овозможи изградба, доградување и доопремување на нови куќи и викендици во селото што ќе придонесе кон развој на планинскиот пограничен регион во општина Гевгелија, а ќе се отворат и можности за развој на планинскиот и ловниот туризам.

Во општина Конче се планира да се доизгради и опреми конакот во манастирската црква Св. Стефан во Конче која потекнува од 13 век но и да се уреди паркинг простор . Црквата има исклучителна историска и архитектонска вредност и изобилува со исклучителен фрескоживопис и ставена е под заштита на културното наследство на државата и е атрактивен за посетители

Целиот проект чини околу 23 милиони денари а со неговата реализација ќе се придонесе кон зголемување на бројот на туристи во регионот, како и кон зголемување на инвестициите и економски бенефит за Југоисточниот регион

Инаку десетте општини од Југоистокот, вклучувајки го граѓанскиот и бизнис секторот, преку Центарот за развој на Југоисточниот плански регион ги утврдија приоритетните проекти за реализација догодина. Кои се, можете да ги видите ТУКА

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.