Едно лице почина во сообраќајка меѓу мотор и автомобил на патот Струмица – Радовиш кај Владевци

6160

Сопатник на мотор, марка кавасаки со кочански регистарски ознаки почина во сообракајка што попладнево се случи на патот Струмица – Радовиш во населеното место Владевци. Веста ја потврди Александра Трајанова портпарол на СВР Струмица која соопшти дека возачот на мотор се здобил со повреди и е префрлен во струмичката болница.

Сообраќајката се случила во 18 часот и 30 минути на патот Струмица-Радовиш кај паркингот во Владевци на раскрсницата кон Сушево и Старо Владевци кога се судриле патничко возило и моторoт. Заради сообраќајката патниот правец од 19 часот беше затворен за сообраќај во двата правци.

,,На 13.05.2023 околу 18.30 часот на магистралниот пат A4 Струмица-Радовиш кај с.Владевци, се случила сообраќајна несреќа помеѓу патничко возило „шевролет спарк“ со струмички регистарски ознаки, управувано од В.Т.(18) од с.Сушево, струмичко и мотоцикл „кавасаки“ со кочански регистарски ознаки, управуван од С.К.(58) од Кочани. На местото на несреќата починала сопатничката на мотоциклот Р.К.(44) од с.Градец, виничко, а смрт констатирал лекар од Итна медицинска помош, додека мотоциклистот С.К. се здобил со тешки телесни повреди, констатирани во Медицински центар-Струмица. Увид извршиле Јавен обвинител и екипа од СВР Струмица,, соопшти МВР

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.