Државните инспектори да утврдат од каде доаѓа непријатната миризба во Гевгелија која и мене ми пречи, вели градоначалникот Поцков

1692

Првиот човек на Гевгелија Сашо Поцков, потврди дека и тој лично ја има почуствувано непријатната реа што се шири во ноќните часови во градот, заради што општината побара вонреден инспекциски надзор од Министерството за животната средина. На денешната прес конференција тој истакна дека заради зачестените реакции на граѓаните но и немањето на ингеренции врз економските оператори  кои во непосредна близина имаат фарми, побарале од министерството за животна средина  надвор од редовните контроли да пуштат инспекција за да утврдат од каде доаѓа непријатната миризба

,, Не можам да посочам со прст кој е виновен, ниту пак да конкретизирам кој е ширител на миризбата. Над градот има три економски оператори, краварска, свињарска и живинарска со свињарска фарма. Ако нив ги прашате тие ќе Ви одговорат дека не се. Затоа ние како општина мора да утврдиме,, кажа градоначалникот Поцков кој потврди дека и нему му пречи непријатната миризба во ноќните часови

Гевгеличани тврдат дека миризбата била од животински измет но никој со прецизнсот не може да конкретизира од која фарма доаѓа. Со оглед дека економските оператори имаат А интегрирана еколошка дозвола, општина Гевгелија нема ингеренции за мониторинг

,,Поради обемот на производство економските оператори поседуваат А дозвола што значи дека целокупниот мониторинг за спроведување на заштитните мерки во овие капацитети е во надлежност на ресорното Министерство,, рече Поцков кој очекува надвор од редовните контроли инспекторите да дојдат и да утврдат од кој оператори се шири непријатната миризба претежно во ноќните часови заради што гевгеличани не може да отворат прозор

 

 

 

 

 

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.