Градоначалникот на Радовиш Ацо Ристов избран за Претседател на Југоистокот – фокус ќе му бидат европските проекти (видео)

196

Градоначалникот на Радовиш Ацо Ристов е избран за претседател на Советот на градоначалници на Југоисточниот плански регион. Вака одлучија првите луѓе на десетте општини од овој дел на државата на седницата во Гевгелија. Ристов доаѓа на местото на Андон Сарамандов а во своето прво обраќање подвлече дека очекува поддршка од Центарот за развој на Југоисточниот плански регион за користење на европските пари за реализација на одредени проекти во интерес на општините и регионот.

,,Се надевам дека во наредниот период како регион ќе се избориме за повеќе права, ќе успееме да донесеме повеќе проекти и тоа европски бидејки сите знаеме какви ни се буџетите.  Се надевам дека сите вработени во Центарот за развој на Југоистокот ќе ни дадат поддршка оти има доста европски фондови кои нудат средства. Сите општини имаме некои ЛЕР одделенија кои не се толку ажурни и очекувам Центарот да ни помага и да ни дава информации но и да ни помогне во изработката на проектните документации. Од контактите со многу колеги од Хрватска и Бугарија се позивесно е дека општините ќе бидат носители на проектите од ЕУ а не државата. Ни треба едукација на кадрите во таа насока,, рече претседателот на Советот на градоначалници на Југоисточниот плански регион Ацо Ристов

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.