Германски Дурен пресилен за ОК Струмица (фото)

171

Во првиот натпревар од 1/16 финалето во ЦЕВ купот македонскиот одбојкарски клуб Струмица во салата „Парк“ загуби од германскиот Дурен со резултат 3:0 во сетови 25:15, 25:19 и 25:17.

Уште на стартот од натпреварот Германците ја најавија победата. Тие во раната фаза на првиот сет стекнаа предност од 10 поени што беше рутина за Дурен за водство од 1:0. Слично како во првиот сет, и вториот гостите го стартуваа со висока позитива од 12:4. Подоцна одбојкарите на Струмица доаѓаа неколку пати до „минус три“ негатива но не за целосен пресврт.

Најголеми возбудувања донесе третиот сет во кој Струмица беше рамноправно, константно израмнуваше на (4:4, 6:6, 8:8, 10:10), но никако и да го контролира резултатот во своја корист

Најефикасен во редовите на ОК Струмица беше Тунижанецот Хамди Бен Талеб со девет поени. На спротивната страна со 15 поени доминираше грчкиот интернационалец Димитриос Мухлиас.

Реваншот меѓу екипите на Дирен и Струмица ќе се одигра на 30 ноември.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.