Синоќа кај штипско Лакавица од коловозот излетало амбулантното возило на струмичката болница кое превезувало пациент со ковид-19 а со повреди поминале и медицинската сестра и возачот на возилото. По сообраќајката сите три лица биле префрлени во штипската болница при што 76 годишниот пациент е префрлен на скопските клиники бидејки имал фрактури на лицето, медицинската сестра задржана во Штип а возачот пуштен на домашно лекување.
,,Синоќа во 21.45 часот кај селото Лакавица излетало амбулантно возило на Општата болница од Струмица управувано од 42-годшен возач. Во незгодата, покрај возачот, повредени се и двајцата сопатници на 47 и 76 години“ соопшти Горана Панајотова, портпарол на СВР Штип.
Според директорот на стурмичката болница Наќе Гогов станува збор за екипа која синоќа се упатиле од Струмица кон штипскиот ковид центар со оглед дека здравствената состојба на 76 годишниот пациент со коронавирус му се влошила но кај Лакавица од засега непознати причини возилото излетало
Патот Штип – Радовиш во делот околу Лакавица е со изменет режим на сообраќај поради изградбата на експресниот пат. На повеќе места има интензивни градежни активности. Дополнително движењето синоќа го отежнуваше и лизгавиот коловоз.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
