Брера Струмица во резултатска криза – цел месец без победа во прволигашкото првенство

454

Фудбалерите на Брера Струмица цел месец се без победа во прволгиашкото првенство. По стартните четири победи над Вардар, Воска, Струга ТЛ и Тиквеш веќе пет кола немаат славје.  Попладнево загубија од Македонија ЃП со 1:0 со што се продлабочи резултатската криза започната од Брегалница во Штип кога претрпеа пораз, па ремито без голови против Работнички дома, поразот од Шкупи во Скопје, ремито со Силекс.

Во рамките на 9 коло струмичани офанзивно играа во второто полувреме откако Попзлатанов во финишот од првите 45 минути го надмудри Алчевски. Најзрелата шанса ја имаа во 82 минута кога Руфати со глава не успеа да донесе израмнување на резултатот.

По 9 првенствени кола струмичкиот прволигаш има 4 победи 3 пораза и два нерешени исхода. На своето конто има 14 бода и се наоѓа на четвртата позиција иако деветото коло е некомплетно.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.