Лошо почнаа но со одлична игра во продолжението, кошаркарите на Струмица предводедни од расположениот Стаменковиќ ја забележаа првата првенствена победа во Првата лига. Во салата Парк со поддршка на публиката, момците на Златко Зетов и Ики Христов во последните три минути го скротија Феникс и славеа со 98:92
Струмица покажа мудра и борбена игра иако гостите од Скопје мечот го започнаа со 14:0. Но со тек на времето домашните кошаркари ја зацврстија одбраната и ги намалија грешките во нападот што резултираше само со 4 поени негатива по првиот период (20:24). Втората четвртина ја доби Струмица но не за пресврт (22:20)
Возбудувањата на теренот продолжија во второто полувреме. Домаќините го превзедоа резултатот во свои раце но само со еден поен предност пред последните 10 минути (22:19). Неизвесна беше последната четвртина. Постојано двата тима си дишеа во врат за да во финишот, струмичани со две тројки и цврстата одбрана се одлепи за конечни 98:92
Стаменковиќ беше најефикасен кај Струмица. Постигна дури 36 поени. Не погоди само едно слободно фрлање. Останатото стопроцентно ефикасно . 18 поени уфрли Крстаиќ, 12 Волканоски, 11 Зетов а по 7 поени постигнаа Мамузич и Асрат а како стрелци се запишаа и Атанасов и Бешок
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
