Здружението ,, Changemakers4All ’’ од Гевгелија донираше електроенцефалограм или ЕЕГ апарат на гевгелиската болница. Станува збор за апарат кој се користи за дијагностицирање на мозочни удари, епилепсија, повреди на главата, главоболки, мозочни тумори а за што пациентите мораа да патуваат во Струмица или Скопје
Апаратот е нов, како што не информираше Марина Томова од здружението Changemakers4All е во соработка со Микродонија, Јан Звиерс и Тајс Зоон кои ја помогнааа оваа донација од универзитетскиот медицински центар во Гронинген од Холандија да стаса во гевгелиската општа болница
,, Не е важно колкава е вредноста на овој апарат. Нам ни е важно што гевгеличани ќе имат можност во својот град да прават невролошки прегледи и рано дијагностицирање на било какви болести. Сакавме да ги скратат патните трошоци до Струмица или до Скопје. Важно ни е да се спаси човечки живот, битна е хуманоста заради што упатувам огромна благодарност до нашите пријатели во Холандија ,, ни изјави Томова
Директорот на гевгелиската болница Митко Крџев ни потврди дека добиле донација од ЕЕГ апарат кој е сместен во посебна просторија. Како што ни кажа тој се работи на обезбедување на соодветни услови за работа но и едукација на стручен персонал
,, Во септември ни доаѓа докторката од специјализација по неврологија која ќе работи во нашата болница. Таа заедно со останатиот персонал од медицински и стручни технички лица ќе бидат пуштени на едукација за да работат со ЕЕГ апаратот кој ќе ни овозможи рана дијагноза на било какви болести на главата. Досега за вакви здравствени услуги пациентите ги препраќавме во Струмица или Скопје но од наесен и во нашата болница може да се прават ЕЕГ или електроенцефалограм прегледи,, ни изјави директорот на гевгелиската болница Митко Крџев кој упати благодарност до здружението Changemakers4All
Инаку ова здружение освен по хуманата мисија, меѓу гевгеличани е познато и како еколошко имајки во предвид многуте еко акции што ги реализираа за почиста Гевгелија
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
